“BRANDSTORE.UZ” internet-do‘koni ommaviy ofertasi
Mazkur shartnoma «BRANDSTORE» Mas'ulyati cheklangan jamiyat (keyingi o‘rinlarda – MChJ) ommaviy Oferta (keyingi o‘rinlarda – Shartnoma) bo‘lib, «BRANDSTORE» MChJ bilan ushbu ofertada belgilangan shartlar asosida mazkur xarid-sotuv shartnomasini tuzish layoqatiga va kerakli vakolatlarga ega bo‘lgan har qanday jismoniy va yuridik shaxsga qaratilgan. Ushbu ofertada shartnomaga tegishli barcha muhim shartlar ko‘zda tutilgan.
1. HUQUQIY ASOS
1.1. Oferta O‘zbekiston Respublikasi Fuqarolik kodeksi, “Elektron tijorat haqida”gi qonunlar va https:// BRANDSTORE.uz/ internet-manzili bo‘yicha «BRANDSTORE» rasmiy Internet-do‘konida taqdim etilgan elektron tijorat shaklidagi tovarlar (ish, xizmat) realizatsiyasini tartibga soluvchi boshqa normativ-huquqiy aktlarga muvofiq ishlab chiqilgan.
1.2. Elektron tijorat shaklida amalga oshiriladigan ulgurji va chakana savdo 2002 yil 26 noyabrda qabul qilingan O‘zbekiston Respublikasi Vazirlar Mahkamasining 407-sonli qarori bilan tasdiqlangan ulgurji va chakana savdo faoliyatini amalga oshirish tartibi haqidagi Nizomi, 2003 yil 13 fevralda qabul qilingan O‘zbekiston Respublikasi Vazirlar Mahkamasining 75-sonli qarori bilan tasdiqlangan chakana savdo Qoidalari va 2016 yil 02 iyunda qabul qilingan O‘zbekiston Respublikasi Vazirlar Mahkamasining qarori bilan tasdiqlangan elektron tijorta faoliyatini amalga oshirish Qoidalari bilan tartibga solinadi.
1.3. Iste'molchilar huquqlarini himoya qilish yo‘nalishidagi munosabatlar O‘zbekiston Respublikasi Fuqarolik kodeksi, 1996 yil 26 aprelda qabul qilingan 221-I-sonli “Iste'molchilar huquqlarini himoya qilish to‘g‘risida”gi O‘zbekiston Respublikasi qonuni va boshqa normativ-huquqiy aktlar bilan nazorat qilinadi
2. ATAMALAR MAZMUNI
2.1. Mazkur ofertada, agar kontekst boshqa shartlarni talab qilmasa, quyida keltirilgan atamalar quyidagi mazmunga ega va uning ajralmas tarkibiy qismi hisoblanadi:
Aktsept — huquqiy oqibatlarga ega bo‘lgan taklifda keltirilgan shartlar asosida shartnoma tuzishga oid taklif (oferta) bilan rozilik.
Internet-do‘kon saytida Tovarni buyurtirish – «BRANDSTORE» MChJ Internet do‘konining https:// BRANDSTORE.uz/ manzilidagi sayti yoki +998 71 205 93 93 telefon raqami bo‘yicha Tovarni sotib olish arizasini rasmiylashtirish paytida sotuvga qo‘yilgan Tovar assortimentidan Xaridor ko‘rsatgan pozitsiyalar.
Internet-do‘kon — Sotuvchi «BRANDSTORE» MChJning quyidagi manzilda joylashgan rasmiy Internet-do‘koni: https:// BRANDSTORE.uz/
Oferta — bir, bir nechta muayyan yoki noma'lum shaxslar doirasiga qaratilgan, hujjatda ko‘rsatilgan shartlarda shartnoma tuzishga istak bildirgan har qanday shaxs bilan taklif qiluvchining (oferent) shartnomani rasmiylashtirish istagini anglatuvchi va unga oid barcha muhim shartlarni o‘z ichiga olgan taklif.
Sotuvchi — «BRANDSTORE» MChJ chakana savdo Internet-do‘koni.
Xaridor — mazkur oferta shartlarida ommaviy ofertani qabul qilgan, yakuniy iste'molchiga mo‘ljallangan axborot tizimlaridan foydalanib tovar (ish, xizmat) xarid qiluvchi har qaysi jismoniy shaxs (O‘zbekiston rezidentlari va norezidentlari).
Tovar — tomonlar kelishuvining ob'ekti, quydiga manzil bo‘yicha joylashgan «BRANDSTORE» MChJ Internet-do‘konidagi taqdim etilgan assortinmentdagi nomlar: https:// BRANDSTORE.uz/
Elektron tijorat ishtirokchisi — elektron tijoratda tovarlar (ish, xizmat) Sotuvchisi yoki Xaridori hisoblangan jismoniy shaxs.
3. UMUMIY QOIDALAR
3.1. Internet-do‘kon saytida joylashtirilgan Tovarning Xaridor tomonidan buyurtma qilinishi Xaridor mazkur Ofertaning barcha shartlari bilan roziligani anglatadi va Oferent shartnomasidagi shartlarning bevosita aktsepti hisoblanadi.
3.2. Internet-do‘kon saytining ma'muriyati Xaridorni ogohlantirmasdan Ofertaga o‘zgartirish kiritish huquqiga ega. Amaldagi Ofertaga o‘zgartirish kiritilgan taqdirda, o‘zgarishlar saytdagi rasmiy nashrdan keyin kuchga kiradi.
3.3. Agar Internet-do‘kon saytida boshqa shartlar ko‘rsatilmagan bo‘lsa, Ofertaning amal qilish muddati cheklanmagandir.
3.4. Sotuvchi Xaridorga Tovar haqida shartnomaning barcha muhim shartlari bilan bir qatorda to‘liq va ishonchli ma'lumotni, shu jumladan Tovarning asosiy iste'mol xususiyatlari, ishlab chiqarish joyi kabi axborotlarni taqdim etadi. Bundan tashqari Sotuvchi quyidagi internet manzilda joylashgan «BRANDSTORE» MChJ saytida Tovarning kafolat va yaroqlilik muddati haqidagi axborotni ko‘rsatish huquqiga egadir: https:// BRANDSTORE.uz/
4. TOVAR NARXI
4.1. Tovarning har bitta pozitsiyasiga belgalangan narx quyidagi manzildagi Internet-do‘kon saytida ko‘rsatilgan: https:// BRANDSTORE.uz/
4.2. Tovar narxi bir tomonlama bahssiz tartibda belgilanadi va Internet-do‘kon sahifalarida ko‘rsatiladi.
4.3. Tovar narxi O‘zbekiston Respublikasining milliy valyutasi – so‘mda ko‘rsatiladi.
4.4. Muayyan Tovar uchun shartnoma tuzish taklifi Tovar Sotuvchida mavjud bo‘lgan davr mobaynida amal qiladi. Tovarning Sotuvchining internet-saytida ko‘rsatilishi uning mavjudligini kafolatlamaydi. Agar Xaridorlardan muayyan Tovarlarni 100% oldindan to‘lov bilan sotib olish arizasi qabul qilingan taqdirda, ammo mazkur Tovar Sotuvchiga bog‘liq bo‘lmagan sabablar tufayli mavjud bo‘lmasa, Xaridorga quyidagi variantlarni (shartlarni) tanlash taklif etiladi:
- Oldindan to‘lovni to‘liq qaytarish;
- Yetkazib berishga odi yangi muddatlarni o‘z ichiga olgan yangi oferta;
- Avvalroq Xaridor 100% miqdorda kiritgan oldindan to‘lov miqdoriga qarab qo‘shimcha to‘lov yoki pulning ma'lum qismini qaytarish sharti bilan mavjud bo‘lgan boshqa Tovar assortimentini tanlash.
4.5. Sotuvchi bir tomonlama tartibda Tovarning har qanday pozitsiyasiga tegishli narxni o‘zgartirish huquqiga egadir. Bunda yangi (o‘zgargan) narxlar saytdagi rasmiy nashr sanasidan boshlab kuchga kiradi.
4.6. Sotuvchi Xaridor tomonidan to‘lov qilingan Tovar uchun narxni o‘zgartirishiga yo‘l qo‘yilmaydi.
4.7. Agar buyurtma qilingan Tovarning narxi o‘zgargan taqdirda, Sotuvchi 24 soat davomida Tovar narxi o‘zgarishi haqida Xaridorni ogohlantirish majburiyati oladi. Agar Tovar narxi Sotuvchi tomonidan Buyurtma rasmiylashtirilgan keyin o‘zgargan bo‘lsa, Xaridor Tovarni sotib olish harakatini tasdiqlash yoki bekor qilish huquqiga ega.
4.8. Pul mablag‘lariga Sotuvchiga 100% miqdorda kelib tushgandan keyin Xaridorning to‘lovga oid majburiyatlari bajarilgan deb hisoblanadi.
4.9. Sotuvchi Tovarni yetkazib berish narxini Internet-do‘kon saytida yoki buyurtmani rasmiylaytirish paytida Operator orqali ma'lum qiladi.
4.10. Tovar uchun Sotuvchi va Xaridor o‘rtasidagi hisob-kitoblar Internet-do‘kon saytida ko‘rsatilgan usullar orqali amalga oshiriladi.
5. ShARTNOMANI TUZISh VAQTI
5.1. Ushbu Shartnomaning matni ommaviy oferta hisoblanadi (O‘zbekiston Respublikasi Fuqarolik kodeksi 369-moddasining 2-qismi va 426-moddasiga muvofiq)
5.2. Xaridor roziligi asosida tuziladigan mazkur oferta Shartnomasi rozilik shartnomasi hisoblanib, Xaridor uning shartlariga hech qanday istisno va/yoki bahonalarsiz rozilik bildiradi.
5.3. Saytda grafik tasvir-namunalar orqali taqdim etilgan Tovarlar va xizmatlar internet-do‘kon mulkidir.
5.4. Monitorlar har xil texnik xususiyatlarga ega bo‘lgani bois, Tovar rangi saytda ko‘rsatilganidan farq qilishi mumkin.
5.5. Tovarning tashqi ko‘rinishi va xususiyatlari saytda ta'riflanganidan farq qilishi mumkin.
5.6. Xaridor iltimosiga ko‘ra internet-do‘kon menejeri (telefon yoki elektron pochta orqali) Xaridor tovarni sotib olish qarorini qabul qilish uchun uning nuqtai nazarida yetarli hisoblangan ma'lumotni taqdim etish huquqiga ega.
5.7. Xaridor tomonidan buyurtmaning rasmiylashtirilishi uning ushbu Shartnoma shartlarini so‘zsiz qabul qilinishini anglatadi.
5.8. Sotuvchining internet-do‘konidan tovar xarid qilgan (buyurtma rasmiylashtirgan) Xaridor ushbu Shartnoma shartlarida Sotuvchi bilan munosabatga kirgan shaxs sifatida qaraladi.
6. TOMONLARNING HUQUQ VA MAJBURIYaTLARI
6.1. Sotuvchining majburiyatlari:
6.1.1. Ushbu Shartnoma tuzilgan vaqtda boshlab Xaridor oldida barcha majburiyatlarni mazkur shartnomaga va amaldagi qonunchilikka muvofiq to‘liq bajarilishini ta'minlash.
6.1.2. Xaridorning shaxsiy ma'lumotlarini qayta ishlash va ularning maxfiyligini O‘zbekiston Respublikasining amaldagi qonunchiligida o‘rnatilgan tartibda ta'minlash.
6.1.3. Xaridorga (https:// BRANDSTORE.uz/) Internet-do‘konining saytida ko‘rsatilgan telefonlar orqali bepul telefon maslahatlarini olish imkoniyatini taqdim etish. Maslahatlar hajmi Buyurtmaning bajarilishi va Tovar xususiyatlariga oid aniq savollar bilan cheklanadi.
6.1.4. Ma'lumot ruxsat berilgan tarzda kirish urinishlarini va/yoki uning Buyurtmalarning bajarilishiga bevosita aloqador bo‘lmagan shaxslarga uzatish harakatlarini oldini olish, bunday faktlarni o‘z vaqtida aniqlash va to‘xtatish.
6.2. Sotuvchining huquqlari:
6.2.1. Mazkur shartnomani, Tovar narxlari va yondosh xizmatlarga belgilangan Tariflarni, to‘lov va tovarni yetkazib berish usullari va muddatlarini Internet-do‘konning quyidagi manzilda joylashgan sahifalarida e'lon qilish orqali o‘zgartirish: https:// BRANDSTORE.uz/
6.2.2. Barcha o‘zgarishlar Oferta shartlarida keltirilgan muddatlarda nashrda keyin kuchga kiradi va shunday nashr bilan Xaridor e'tiboriga yetkazilgan hisoblanadi.
6.2.3. Xaridor bilan kechadigan telefon suhbatlarini yozib borish.
6.2.4. Xaridor roziligisiz o‘z huquqlari va Shartnoma ijrosiga oid majburiyatlarini uchinchi shaxsga uzatish.
6.2.5. Axborot vositachilariga elektron hujjatlar va elektron xabarlarni saqlash uchun uzatish.
6.2.6. Mazkur Shartnomaning XI bobida ko‘rsatilgan yengib bo‘lmas hodisalar ta'sirida yuz bergan vaziyatlarda Shartnoma bo‘yicha majburiyatlarni bajarmaslik, shu bilan birga, ushbu shartnomaning 4.4 bandiga muvofiq majburiyatlarni bajarish shartlarini o‘zgartirish.
6.2.7. Agar biror uzrli sabablarsiz Xaridor unga avvalroq u yoki uchinchi shaxs (Xaridor transport-eskpeditsiya xizmatlarini ko‘rsatishga oid shartnomani imzolagan yuridik shaxs) bilan Tovarni yetkazib berish bilan shug‘ullanadigan bilan kelishilgan manzilga (hududga) belgilangan muddatlarda yetkazib berilgan buyurtma qilingan Tovar uchun to‘lovni amalga oshirmasa yoki uni qabul qilmasa, Sotuvchi bir tomonlama tartibda shartnomani bekor qilish va Xaridordan yetkazilgan zararni qoplab berishni talab qilish huquqiga egadir.
6.2.8. Agar Xaridor avval buyurtma berib unga to‘lovni amalga oshirmagan, Tovar yetkazib berilgan paytda buyurtmani rad etgan, yetkazib berilgan Tovarni qabul qilmagan, yoki Sotuvchi Xaridor ko‘rsatgan ma'lumotlarning ishonchliligiga shubha bilan qarasa, Sotuvchi sabablarni tushuntirmagan holda Xaridorning buyurtmasini qabul qilish va bajarishni rad etish huqiqiga ega.
6.2.9. Agar Sotuvchida Xaridor buyurtmani rasmiylashtirish jarayonida to‘ldirgan ma'lumot haqiqatga mos kelmasligi yoki to‘liq taqdim etilmagani borasida asoslar paydo bo‘lsa, shuningdek, haqoratomuz va/yoki noo‘rin munosabat kuzatilgan taqdirda, Sotuvchi Xaridorning buyurtmasining qabul qilinishini vaqtincha yoki doimiy asosda rad etish huquqiga ega.
6.3. Xaridorning majburiyatlari:
6.3.1. Shartnomani tuzish( Mazkur Ommaviy ofertani qabul qilish)dan oldin uning mazmuni va shartlari, Sotuvchi internet-do‘konda taklif qilayotgan Tovar narxlari, shuningdek, quyidagi internet-manzilda joylashgan internet-do‘kon sahifalaridagi boshqa shartlar bilan tanishib chiqish: https:// BRANDSTORE.uz/
6.3.2. Sotuvchi Xaridor oldidagi majburiyatlarini bajarishi uchun Xaridor mazkur Ofertaning 7.2 bandida ko‘rsatilgan va agar tovar yetkazib beriladigan taqdirda uni Xaridorga yetkazib berish uchun talab etiladigan barcha zaruriy ma'lumotlarni taqdim etishi lozim.
6.3.3. Buyurtma qilingan Tovar va uning yetkazib berilishiga oid to‘lovni mazkur hujjat shartlarida amalga oshirish.
6.3.4. Bahslarning oldini olish uchun buyurtmani rasmiylashtirish paytida Sotuvchi o‘z internet-do‘konida taqdim etgan ma'lumot bilan tanishish.
6.3.5. Internet-saytda buyurtma qilingan tovarni tadbirkorlik maqsadlarida ishlatmaslik.
6.3.6. Sotuvchidan yoki uchinchi shaxsdan (Sotuvchi transport-ekspeditsiya xizmatlarini ko‘rsatish uchun tovarni yetkazib berish bo‘yicha xizmatlarni taqdim qiluvchi yuridik shaxs) avvalroq kelishilgan manzilga (hududga) eltilgan buyurtma qilingan Tovarga to‘lovni amalga oshirish va uni qabul qilish.
7. BUYuRTMANI RASMIYLAShTIRISh
7.1. Tovarga Xaridor https:// BRANDSTORE.uz/ manzilidagi internet-do‘kon saytida buyurtma beradi. Xaridor tovarning mavjudligini va u haqidagi boshqa batafsil ma'lumotlarni sayt operatoridan +998 71 205 93 93 telefon raqami bo‘yicha aniqlashtirishi lozim.
7.2. Internet-do‘kon saytida ro‘yxatda o‘tish paytida Xaridor quyidagi registratsion ma'lumotlarni taqdim etishi talab etiladi:
7.2.1. Xaridorning yoki u ko‘rsatgan shaxsning (oluvchining) familiyasi, ismi, otasining ismi, yoshi;
7.2.2. Tovar yetkazib beriladigan manzil (agar Tovar Xaridorga yetkazib beriladigan bo‘lsa);
7.2.3. Tovar yetkazib berilishi kerak bo‘lgan sana va vaqt;
7.2.4. Aloqa uchun telefonlar.
7.3. Xaridor tanlagan Tovarning nomlanishi, miqdori, assortiment, artikul va narxi Internet-do‘kon saytidagi Xaridor savatchasida ko‘rsatiladi.
7.4. Agar Sotuvchiga qo‘shimcha ma'lumot kerak bo‘lsa, u uni Xaridordan so‘rash huquqiga ega. Agar Xaridor kerakli ma'lumotni taqdim etmasa, Sotuvchi Xaridor tanlagan Tovar uchun javobgar hisoblanmaydi.
7.5. Xaridor tomonidan mazkur Ofertaning qabul etilishi Internet-do‘kon saytidagi registratsion shaklga mos ma'lumotlarni kiritish yoki Operator yordamida Buyurtmani rasmiylashtirish orqali amalga oshiriladi. Buyurtma Operator yordamida rasmiy rasmiylashtirilgach, Xaridor haqidagi ma'lumotlar Sotuvchining axborotlar bazasida ro‘yxatga olinadi. Tanlangan Tovarning buyurtmasini tasdiqlab, Xaridor ushbu Shartnomaning 7.2 bandida ko‘rsatilgan tartibga binoan Operatorga kerakli ma'lumotni taqdim etadi.
7.6. Sotuvchi Xaridor buyurtmani rasmiylashtirish paytida taqdim qilgan ma'lumotlarning mazmuni va ishonchililigi uchun javob bermaydi.
7.7. Xaridor buyurtmani rasmiylashtirish paytida taqdim qilgan ma'lumotlarning mazmuni va ishonchililigiga to‘liq javobgardir.
7.8. Sotuvchi va Xaridor o‘rtasida masofadan tuziladigan xarid-sotuv shartnomasi Buyurtma rasmiylashtirilgan paytdan boshlab tuzilgan hisoblanadi.
8. TOVARNI YeTKAZIB BERISh VA TOPShIRISh
8.1. Sotuvchi Xaridorga Internet-do‘kon saytining “Etkazish usuli” bo‘limida ko‘rsatilgan usullar orqali Tovarni yetkazib berishga oid xizmatlarini ko‘rsatadi.
8.2. Agar Tovarga oid masofaviy xarid/sotuv shartnomasi tovarni xaridorga yetkazib berish sharti bilan tuzilsa, sotuvchi Tovarni xaridor tomonidan ko‘rsatilgan manzilga Shartnomada belgilangan muddat ichida yetkazib berishga, Xaridor yetkazish manzilini ko‘rsatmagan taqdirda, Xaridorni ogohlantirgan holda uning yashash yoki ro‘yxtaga olingan manziliga yetkazishga majburdir.
8.3. Tovarni yetkazib berish manzilini Xaridor Tovarni sotib olish Buyurtmasini rasmiylashtirish paytida “Etkazish usuli” bo‘limida ko‘rsatadi.
8.4. Tovarni Xaridorga yetkazib berish muddati buyurtmani qayta ishlash va yetkazish muddatlaridan tashkil topadi.
8.5. Sotuvchi Tovarni yetkazib berish narxini Internet-do‘kon saytida yoki buyurtmani rasmiylaytirish paytida Operator orqali ma'lum qiladi.
8.6. Sotuvchi tovarlarni topshiradi, Xaridor ularni qabul qiladi va ushbu Shartnomadagi shartlarda tovar uchun to‘lovlarni amalga oshiradi. Tovar Xaridorga topshirilgandan va unga to‘liq miqdorda pul to‘langandan keyin Buyurtirilgan Tovarlarga egalik huquqi Xaridorga o‘tadi. Tovar Xaridorga topshirilgandan keyin Tasodifiy o‘lim yoki Tovarning shikastlanish xavfi Xaridor mas'ulligiga o‘tadi.
9. TOVARLARNI QAYTARISh VA ALMAShTIRISh
9.1. Maqbul sifatdagi tovarlar:
Maqbul sifatdagi tovarlarni Xaridor sotib olingan kundan boshlab uch kun ichida sotuvchidan o‘xshashiga almashtirishga haqlidir.
9.1.1. Xaridor egaligiga topshirilgan tovar ushbu Shartnomaning 8.6 bandidagi holatlarda qaytarib olinmaydi yoki almashtirib berilmaydi.
Sotuvchi tovar Xaridor egaligiga topshirilgandan keyin uch kun ichida mazkur Shartnomaning 8.6 bandiga binoan oziq-ovqatga aloqador bo‘lmagan maqbul sifatdagi tovarni agar shunday tovar sotuvda bo‘lmasa, u xarid qilingan yerda boshqa shunga o‘xshash tovarga almashtirib berishga haqlidir.
9.1.2. Xaridorning tovarni almashtirish yoki qaytarishga oid talabi quyidagi hollarda qanoatlantiriladi:
- tovar foydalanishda bo‘lmagan;
- uning tovarga xos ko‘rinishi, iste'mol xususiyatlari, plomba va yorliqlari saqlangan;
- tovarning xaridini tasdiqlaydigan hujjat (tovar yoki kassa cheki) saqlangan;
Shuningdek, https://BRANDSTORE.uz/ manzilidagi internet-do‘kon sahifalaridagi boshqa shartlar.
9.1.3. O‘zbekiston Respublikasi Vazirlar Mahkamasining 2003 yil 13 fevralda qabul qilingan O‘zbekiston Respublikasi chakana savdo Qoidalariga oid 75-sonli qarorining 1-ilovasiga binoan maqbul sifatdagi tovarlar qaytarib olinmaydi.
9.1.4. Qaytarish arizasini qabul qilish va tovarni qaytarib olish amaliyotni Sotuvchining saytida ko‘rsatilgan telefon raqamlariga qo‘ng‘iroq qilish orqali amalga oshiriladi, buning uchun;
9.2. Nomaqbul sifatdagi tovarlar:
9.2.1. Nuqsonli tovar sotilgan Iste'molchi agar kamchiliklar kafolat muddati yoki yaroqlilik muddati davomida aniqlansa, u Tovarni ishlab chiqargan kompaniyaning servis markaziga murojaat qilish huquqiga egadir.
Mazkur Shartnoma bo‘yicha xarid qilingan Tovarning servis xizmati faqat Tovarni ishlab chiqargan kompaniyaning vakolatli shaxslari, servis markazi mutaxassislari tomonidan ushbu servis markazning ichki nizomiga muvofiq ko‘rsatiladi.
9.2.2. Tovardagi kamchiliklarni bartaraf etish va nuqsonli tovarni almashtirib berish tartibini Sotuvchi mustaqil tarzda belgilaydi.
9.2.3. Kafolat muddati tugagach, Xaridor Sotuvchiga e'tiroz bildirish huquqiga ega bo‘lmaydi.
10. TO‘LOV USULLARI
10.1. Xaridor to‘lovni quyidagi usullar bilan amalga oshirishi mumkin:
- naqd pul bilan;
- Quyidagi internet manzilda ko‘rsatilgan to‘lov tizimlari orqali to‘lash bilan: https://BRANDSTORE.uz/
10.2. To‘lov usullari haqidagi yanada batafsil ma'lumot bilan internet-saytning “Yetkazib berish va tulash” bo‘limida tanishishingiz mumkin.
11. FORS-MAJOR
11.1. Agar mazkur shartnomada ko‘zda tutilgan majburiyatlarni bajarmaslik holati u imzolangandan keyin sodir bo‘lgan yengib bo‘lmas hodisa natijasida yuz bergan bo‘lsa, tomonlar majburiyatlarni qisman yoki to‘liq bajarmaganlari uchun javobgarlikdan ozod etiladilar.
11.2. “Engib bo‘lmas hodisalar” deganda ma'lum Tomon unda mavjud vositalar yordamida oldindan ko‘rolmagan yoki bartaraf etolmagan favqulodda voqealar yoki vaziyatlar tushuniladi. Bunday favqulodda voqealar yoki vaziyatlar, jumladan: ish tashlashlar, toshqinlar, yong‘inlar, zilzila va boshqa tabiiy ofatlar, urushlar, harbiy harakatlar, O‘zbekiston Respublikasi va mamlakatlarning davlat organlari harakatlari, shuningdek, Tomonlarning oqilona nazoratidan tashqarida bo‘lgan har qanday boshqa vaziyatlarni o‘z ichiga oladi.
11.3. Biror Tomonning faoliyatiga bevosita yoki bilvostita ta'sir qiladigan amaldagi qonunchilik yoki normativ hujjatlardagi o‘zgarishlar, yengib bo‘lmas hodisa sifatida baholanmaydi, biroq biror Tomonning ushbu Shartnoma bo‘yicha o‘z majburiyatlarini bajarishga yo‘l qo‘ymaydigan shunday o‘zgarishlar kiritilgan taqdirda, Tomonlar ushbu Shartnoma ijrosi davom ettirilishini ta'minlash uchun zudlik bilan ushbu muaamoni bartaraf etish uchun ish tartibiga oid qarorni qabul qilishlari lozim.
12. TOMONLARNING JAVOBGARLIGI
12.1. Ushbu Shartnomada ta'riflangan shartlarni bajarmaslik yoki maqbul bajarmaslik uchun Tomonlar O‘zbekiston Respublikasi qonunchiligiga muvofiq javobgar hisoblanadilar.
12.2. Internet-do‘konga joylangan barcha matnli ma'lumotlar, grafik tasvirlar va xizmatlarning qonuniy mualliflari mavjud bo‘lib, mazkur ma'lumotlar va tasvirlardan noqonuniy foydalanish O‘zbekiston Respublikasining amaldagi qonunchiligi bo‘yicha ta'qib qilinadi.
13. NIZOLARNI HAL QILISh TARTIBI
13.1. Ushbu Shartnoma bo‘yicha majburiyatlarni bajarmaslik yoki maqbul tarzda bajarmaslikka oid barcha nizolarni Tomonlar o‘zaro muzokaralar yo‘li bilan hal qilishga urinadilar.
13.2. Agar muzokaralar yo‘li orqali murosaga kelinmasa, nizolar da'vogarning istagiga ko‘ra O‘zbekiston Respublikasining amaldagi qonunchiligiga binoan quyida keltirilgan sub tartibida hal etiladi:
a) jismoniy shaxslar bilan yuzaga kelgan nizolar Toshkent shahar Yunusobod tumanlararo fuqarolik sudida ko‘rib chiqiladi.
b) jismoniy va yuridik shaxslar bilan yuzaga kelgan nizolar O‘zbekiston Respublikasi xalqaro arbitraj va hakamlik sudlarini rivojlantirish ijtimoiy fondi qoshidagi Hakamlik sudida ko‘rib chiqiladi.
v) yuridik shaxslar bilan yuzaga kelgan nizolar Toshkent shahar tumanlararo iqtisodiy sudida ko‘rib chiqiladi.
14. BOShQA ShARTLAR
14.1. Shartnomaga havola qilingan internet-do‘kondagi qoidalar va shartlarni aniqlovchi bo‘limlar ushbu Shartnomaning ajralmas qismi hisoblanadi.
14.2. Mazkur Shartnomani qabul qilish orqali, Xaridor «BRANDSTORE» MChJga o‘z shaxsiy ma'lumotlarini, shu jumladan familiyasi, ismi, otasining ismi, tug‘ilgan sanasi, jinsi, ish joyi va lavozimi, pochta manzili, uy, ish va mobil telefonlari, elektron pochta manzilini, xususan, ularni yig‘ish, tizimlash, to‘plash, saqlash, aniqlashtirish (yangilash, o‘zgartirish), foydalanish, ularni O‘zbekiston Respublikasi hududida tarqatish va uzatish, anonimlashtirish, bloklash, yo‘q qilish, shu bilan birgalikda, mazkur shaxsiy ma'lumotlarni Sotuvchining kontragentlariga xizmatlar sifatini oshirishga yo‘naltirilgan tadqiqotlar, marketing dasturlari, statistik izlanishlar, hamda xizmatlarni Xaridor bilan har xil aloqa vositalari, jumladan va shu bilan cheklanmagan tarzda: pochta xabarnomalari, elektron pochta, telefon, faksimilь aloqa, Internet tarmog‘i yordamida bevosita aloqa qilish orqali kelgusida qayta ishlashga (jumladan ularni yig‘ish, tizimlash, to‘plash, saqlash, aniqlashtirish (yangilash, o‘zgartirish), foydalanish, ularni O‘zbekiston Respublikasi hududida tarqatish va uzatish, anonimlashtirish, bloklash, yo‘q qilish) rozilik bildiradi va ruxsat beradi.
14.3. Xaridor Sotuvchi va uning kontragentlariga ma'lumotlar bazasini avtomatlashtirilgan tartibda boshqarish tizimlari, shuningdek Sotuvchining topshirig‘i bilan maxsus ishlab chiqilgan boshqa vositalar yordamida shaxsiy axborotlarni qayta ishlashga rozilik va ruxsat beradi. Bunday tizimlar bilan ishlash operator sozlagan algoritm (to‘plash, tizimlash, saqlash, aniqlash, foydalanish, bloklash, yo‘q qilish) bo‘yicha amalga oshiriladi. Qo‘llanadigan qayta ishlash usullari (jumladan va shu bilan cheklanmasdan): pochta kodlarini kodlar bazasi bilan solishtirish, ko‘chalar/aholi puntklari nomlarining yozilishini avtomatik tekshirish, telefon, pochta yoki Internet orqali Xaridor bilan bog‘lanib, ma'lumotlarni aniqlashtirish, sozlangan mezonlar bo‘yicha bazani segmentlash. Xaridor agar bu ushbu ofertada ko‘rsatilgan maqsadlarning bajarilishi uchun talab etilsa, uning Sotuvchiga tomonidan olingan shaxsiy ma'lumotlari, Sotuvchi Xaridorning shaxsiy ma'lumotlarini o‘zaro tuzilgan shartnomaga muvofiq qayta ishlash harakatini topshirgan uchinchi shaxslarga uzatishiga rozilik bildiradi. Bunda mazkur mazkur shaxslar shaxsiy ma'lumotlarning maxfiyligini va ularni qayta ishlashda xavfsizligini ta'minlashga oid O‘zbekiston Respublikasi qonunchiligi talablariga amal qilishlari shartdir. Xaridorning ko‘rsatilgan ma'lumotlarini uzatish paytida Sotuvchi uni qabul qiluvchi shaxslarni mazkur shaxsiy ma'lumotlar maxfiy va faqat xabar qilingan maqsadlardagina ishlatilishi lozimligini ogohlantiradi hamda ushbu shaxslardan mazkur qoidaning rioya etilishini talab qiladi.
14.4. Xaridor Sotuvchining pochta manziliga tegishli yozma so‘rov yuborib, undan o‘zining shaxsiy ma'lumotlari, ularning qayta ishlanishi va ishlatilishi haqida to‘liq axborotni so‘rash, shu bilan birga, xato yoki noto‘liq shaxsiy ma'lumotlarni o‘chirish yoki tuzatish/to‘ldirishni talab qilish huquqiga ega. Xaridor o‘z shaxsiy ma'lumotlarini qayta ishlashga bergan rozilik muddatsiz bo‘lib, Sotuvchining pochta manziliga tegishli yozma so‘rov yuborish orqali qaytarib olinishi mumkin.
15. SOTUVChI REKVIZITLARI
SOTUVChI:
OOO BRANDSTORE
Adres g.Tashkent, Yakkasarayskiy r-on, ul.A.Kaxxora, 49a
Tel. +998 90 983 14 14
R/sch 20208000405134836001
v OPERU ChAB Trastbank
gorod g. Tashkent
MFO 00491
INN 306776256
OKED 46510
Ommaviy Oferta matni bilan atroflicha tanishib chiqing. Agar Siz mazkur Ofertaning biror bandida keltirilgan shartlarga rozi bo‘lmasangiz, sotuvchi tomonidan taqdim etiladigan Tovar xaridini bekor qilishingiz va bu hujjatning 3.1-bandida keltirilgan harakatlarni bajarmasligingiz mumkin.